عقلمند خرگوش اور شیر

 

ایک جنگل میں ایک خوفناک شیر رہتا تھا۔ وہ روز ایک جانور کا شکار کرتا اور سب جانور اس سے بہت ڈرتے تھے۔ 

ایک دن سب جانوروں نے مل کر فیصلہ کیا کہ روز ایک جانور خود ہی شیر کے پاس جائے گا تاکہ باقی محفوظ رہیں۔

ایک دن خرگوش کی باری آئی۔ خرگوش بہت چھوٹا تھا مگر ذہین بھی تھا۔ وہ جان بوجھ کر دیر سے شیر کے پاس پہنچا۔ شیر غصے میں بولا:
"اتنی دیر کیوں؟"

                                     

خرگوش بولا:
"راستے میں ایک اور شیر نے مجھے روک لیا، وہ کہتا تھا کہ وہی اس جنگل کا اصل بادشاہ ہے!"

شیر غصے سے لال ہو گیا اور بولا:
"مجھے اس کے پاس لے چلو!"

                                        

خرگوش اسے ایک کنویں کے پاس لے گیا اور بولا:
"وہ اندر ہے۔"

                                     

شیر نے پانی میں اپنا عکس دیکھا اور اسے دوسرا شیر سمجھ کر زور سے کود پڑا… اور ڈوب گیا۔

                                       

سبق: عقل طاقت سے بڑی ہوتی ہے